Հուլիսի 29-ին Նախիջևանում տեղակայված զորամասերից մեկում մահացել է Ադրբեջանի բանակի զինծառայող Քերիմ Քերիմովը: Այս մասին հայտնել են զինծառայողի հարազատները։ Փոխանցում են ադրբեջանական ընդդիմադիր ԶԼՄ-ները:
Քերիմովը Աստարայի շրջանի Փենսեր գյուղից էր: Զինծառայողի մահվան պատճառների վերաբերյալ պաշտոնական տեղեկատվություն դեռևս չի հաղորդվել: Շրջանառվող վարկածներից մեկի համաձայն՝ նա ինքնասպանություն է գործել, սակայն Քերիմովի հարազատները չեն հավատում ինքնասպանության վարկածին:
Նշենք, որ վերջին մեկ ամսում Նախիջևանում մահացել էր ևս չորս զինծառայող. ֆուտբոլ խաղալու ընթացքում սրտի կանգից մահացել է զինծառայող Աֆիյադդին Արիֆ օղլու Աբդուլլաևը, սրտի կանգից մահացել է նաև մեկ այլ զինծառայող՝ 44-օրյա պատերազմի մասնակից Էլվին Փանահովը, առողջական խնդիրների պատճառով մահացել է Թունար Աղաևը, իսկ Ջուլֆայի իր տանը շմոլ գազի թունավորումից մահացել է Սամանդար Թաղիևը:
Հիշեցնենք, որ 2026 թվականի առաջին կիսամյակում Ադրբեջանի ուժային կառույցներում ոչ մարտական պայմաններում առնվազն 28 զինծառայող էր մահացել։
Հետևեք մեզ տելեգրամում
