Թբիլիսիի քաղաքային դատարանը կալանավորել է երկու անչափահաս աղջկա՝ երիտասարդ կրկնուսույց Գիգի Ավալիանիի մահվան գործով։ Այս մասին հայտնում են վրացական ԶԼՄ-ները:
Ավալիանիի նախկին աշակերտուհի Նիա Ի․-ին մեղադրվում է «մի խումբ անձանց կողմից առողջությանը դիտավորությամբ ծանր վնաս պատճառել դրդելու» մեջ։ Այս հոդվածով առավելագույն պատիժը 13 տարվա ազատազրկումն է։ Քննության վարկածով՝ 2025 թվականի աշնանը նա ընկերներին դժգոհել է ուսուցչի կողմից «չափազանց մեծ ուշադրությունից»՝ դրդելով իր ընկերոջը՝ Ալեքսանդր Գ․-ին, հաշվեհարդար տեսնել։ Դրանից հետո դեռահասների խումբը հետևել է մանկավարժին և 2025 թ․ հոկտեմբերի 1-ին դաժանորեն ծեծի ենթարկել նրան։
Անաստասիա Բ․-ն (հարձակման մեկ այլ մասնակցի՝ Գեորգի Ռ․-ի ընկերուհին) մեղադրվում է «առանձնապես ծանր հանցագործության մասին չհայտնելու» մեջ։ Հոդվածով նախատեսված է մինչև 7 տարվա ազատազրկում։ Քննությունը պնդում է, որ Գեորգի Ռ․-ն նրան անմիջապես հայտնել է հաշվեհարդարի մասին, սակայն աղջիկը թաքցրել է այդ տեղեկությունը ոստիկանությունից։
Այս գործով հիմնական մեղադրյալ Ալեքսանդր Գ․-ին դատարանն արդեն դատապարտել է 10 տարի 6 ամիս ազատազրկման։ Ազատազրկման տարբեր ժամկետներ են ստացել նաև հարձակմանը մասնակցած մի քանի այլ անչափահասներ։
Բժշկական համալսարանի ուսանող, 28 տարեկան Ավալիանին հարձակման է ենթարկվել 2025 թվականի հոկտեմբերի 1-ին: Նրան ծեծել են առանձնակի դաժանությամբ։ Երեք շաբաթ անց՝ հոկտեմբերի 24-ին, նա մահացել է վերակենդանացման բաժանմունքում՝ այդպես էլ գիտակցության չգալով։
Հետևեք մեզ տելեգրամում
