ԱՄՆ ֆինանսների նախարար Սքոթ Բեսենթը հայտարարել է, որ Վաշինգտոնը պատրաստվում է Իրանի նկատմամբ կիրառել տնտեսական մեկուսացման այնպիսի միջոցներ, «որոնք աշխարհն անգամ չի տեսել»։ Այս մասին հայտնում է France 24-ը:
Նրա խոսքով՝ նոր սահմանափակումների մասին հայտարարվելու է արդեն հաջորդ շաբաթ։ «Դա կլինի տնտեսական մեկուսացման համադրություն, որպիսին աշխարհն անգամ չի տեսել, իսկ Հորմուզի նեղուցի շարունակական շրջափակումը թույլ չի տա որևէ բան մտցնել կամ դուրս բերել իրանական նավահանգիստներից»,-նշել է Բեսենթը Newsmax հեռուստաալիքին տված հարցազրույցում։
Հիշեցնենք, որ ԱՄՆ-ն շարունակում է Իրանի դեմ ծովային շրջափակում իրականացնել՝ արգելելով իրանական նավահանգիստներ նավերի մուտքն ու ելքը:
Հետևեք մեզ տելեգրամում
