Իսրայելն ու Հունաստանը 3 միլիարդ եվրոյի համաձայնագիր են ստորագրել, որի շրջանակում Իսրայելն Աթենքին կտրամադրի հակաօդային և հակահրթիռային պաշտպանության համակարգեր։ Այս մասին հայտնում է «The Times of Israel»-ը։
«Աքիլեսի վահան» անվանումը կրող ծրագրի շրջանակում Հունաստանը նախատեսում է David’s Sling հակահրթիռային համակարգեր, կարճ հեռահարության SPYDER SR զենիթահրթիռային համալիրներ, Barak MX հակաօդային պաշտպանության համակարգեր ստանալ։
Բացի հիմնական համաձայնագրից, Իսրայելն ու Հունաստանը ստորագրել են նաև 26 մլն եվրո արժողությամբ առանձին պայմանագիր՝ Հունաստանին Drone Dome հակադրոնային համակարգեր մատակարարելու վերաբերյալ։
Կողմերը նաև պայմանավորվել են ընդլայնել համագործակցությունը ռազմարդյունաբերության ոլորտում։ Նախատեսվում է նաև Հունաստանին փոխանցել համապատասխան տեխնոլոգիաներ և տեղեկատվություն։
Հետևեք մեզ տելեգրամում
