Օգոստոսի 31-ից սեպտեմբերի 4-ը Փարիզում կցուցադրվեն Ադրբեջանում պահվող 19 հայ բանտարկյալների դիմանկարները։ Ցուցահանդեսը կազմակերպել են Փարիզի քաղաքապետարանն ու Ֆրանսիայի հայկական կազմակերպությունների համակարգող խորհուրդը (CCAF)։
Դիմանկարները ցուցադրվելու են քաղաքապետարանի շենքում՝ հանրության ուշադրությունը Ադրբեջանում պահվող հայերի ճակատագրի վրա հրավիրելու նպատակով։ Կազմակերպիչների խոսքով՝ ցուցահանդեսը հիշեցնում է նաև Արցախի նախկին քաղաքական ղեկավարության ներկայացուցիչների ձերբակալությունների և արցախահայության բռնի տեղահանության մասին։
Նշենք, որ Ֆրանսիայում վերջին տարիներին մի շարք պետական և տեղական կառույցներ հանդես են եկել Ադրբեջանում պահվող հայերի ազատ արձակման պահանջով։ 2026 թվականի փետրվարին նման պահանջով բանաձև էր ընդունել նաև Ֆրանսիայի Ազգային ժողովը։ Ցուցահանդեսի կազմակերպիչները նշում են, որ դրա նպատակն է թույլ չտալ, որպեսզի Ադրբեջանում պահվող հայերի հարցը մոռացվի։
Հետևեք մեզ տելեգրամում
