Բահրեյնը Լիբանանում գտնվող իր քաղաքացիներին կոչ է արել անհապաղ լքել երկիրը, հաղորդում են լիբանանյան ԶԼՄ-ները:
Նշենք, որ ավելի վաղ Սաուդյան Արաբիան, ԱՄԷ-ն, Բահրեյնը և Քուվեյթը հետ են կանչել իրենց դեսպաններին Բեյրութից՝ ի նշան Լիբանանի տեղեկատվության նախարար Ժորժ Կորդահիի հայտարարությունների դեմ բողոքի: Կորդահին քննադատել է Սաուդյան Արաբիայի քաղաքականությունը՝ ասելով, որ Եմենի հութիները պաշտպանում են իրենց երկիրը Սաուդյան Արաբիայի գլխավորած արաբական կոալիցիայի արտաքին սպառնալիքներից և ագրեսիայից: Կորդահին հրաժարվել է ներողություն խնդրել մեկնաբանությունների համար և ասել, որ չի պատրաստվում հրաժարական տալ իր անձնական կարծիքի համար:
Ճգնաժամից խուսափելու համար Լիբանանի վարչապետ Միքաթին հաստատել է, որ Կորդահին մեկնաբանություն է արել նախքան պաշտոնը ստանձնելը, և նա չի արտացոլում կառավարության դիրքորոշումը:
Լիբանանյան ԶԼՄ-ները հայտարարել են, որ Կատարի արտգործնախարարը շուտով ժամանելու է Բեյրութ՝ «քննարկելու Լիբանանին աջակցելու ուղիները» և օգնելու լուծել Ծոցի երկրների հետ ունեցած դիվանագիտական ճգնաժամը:
Հետևեք մեզ տելեգրամում
