Գերմանիայում ապրող ադրբեջանցիները բողոքի ցույց են անցկացրել Գերմանիայում Եգիպտոսի և Սերբիայի դեսպանատների առջև և պահանջել նշված երկրներից հեռացնել «բռնապետ Հեյդար Ալիևի» արձանները։
Այս մասին Meydan TV-ին հայտնել է ակցիայի կազմակերպիչներից Է․ Գասիմովը։
Ակցիայի ավարտին կազմակերպիչներն իրենց դիմումը ներկայացրել են Բեռլինում Եգիպտոսի և Սերբիայի դեսպանատներին։ Դիմումում մասնավորապես նշվել է, որ Եգիպտոսում և Սերբիայում ժողովրդավությունից շատ հեռու համարվող Հեյդար Ալիևի արձանի առկայությունը առնվազն անհարգալից վերաբերմունք է ժողովրդավարական սկզբունքների նկատմամբ։
Ակցիայի մասնակիցները նաև պահանջել են ժողովրդավարական արժեքների համատեքստում վերանայել Ադրբեջանի հետ հարաբերությունները և Ադրբեջանում խոսքի ազատություն հաստատելու, քաղբանտարկյալներին ազատ արձակելու կոչով դիմել երկրի ղեկավարությանը։
Հետևեք մեզ տելեգրամում
