Ադրբեջանի արտգործնախարար Ջեյհուն Բայրամովը հեռախոսազրույց է ունեցել Թուրքիայի արտգործնախարար Մևլութ Չավուշօղլուի և ՌԴ ԱԳՆ-ի ղեկավար Սերգեյ Լավրովի հետ։
Ըստ Ադրբեջանի արտաքին գործերի նախարարության՝ նախարարները մտքեր են փոխանակել տարածաշրջանում առկա իրավիճակի շուրջ։
Ընդգծվել է, որ տարածաշրջանում հետկոնֆլիկտային փուլում Ադրբեջանի կողմից իրականացվող աշխատանքները, այդ թվում՝ վերականգնման և վերակառուցման քայլերը, ծառայում են տարածաշրջանի խաղաղ զարգացմանը։
Կողմերը քննարկել են նաև երկկողմ համագործակցության օրակարգի ընթացիկ թեմաները, ինչպես նաև հարցեր, որոնք վերաբերում են Ստամբուլում Թյուրքական պետությունների կազմակերպության գագաթնաժողովի նախապատրաստական աշխատանքներին:
Թուրքական կողմը առայժմ հայտարարություն չի տարածել հեռախուսազրույցի վերաբերյալ:
Բայրամովը նաև հեռախոսազրույց է ունեցել Լավրովի հետ: Ըստ Ադրբեջանի արտաքին քաղաքական գերատեսչության՝ կողմերը քննարկել են իրավիճակը տարածաշրջանում, այդ թվում՝ եռակողմ հայտարարությունների իրականացման հարցեր։
Հետևեք մեզ տելեգրամում
