Մարդու իրավունքների եվրոպական դատարանը հրապարակել է ադրբեջանցի հայտնի լրագրող Խադիջե Իսմայիլովայի վերաբերյալ որոշումը: Իսմայիլովային 2014 թ. Ադրբեջանում ապօրինի կերպով ձերբակալել էին: Լրագրողը դատապարտվել էր 7.5 տարվա ազատազրկման:
Ադրբեջանական աղբյուրի փոխանցմամբ`ՄԻԵԴ-ն այդ գործում խախտումներ է հայտնաբերել մի շարք հոդվածքներով՝ անձեռնամխելիության և ազատության իրավունքի, արդար դատավարության իրավունքի և այլն: ՄԻԵԴ-ի որոշմամբ Ադրբեջանը պարտավորվում է 72.000 եվրո վճարել լրագրողին:
Սա Խադիջե Իսմայիլովայի գործով ՄԻԵԴ-ի 2-րդ որոշումն էր: Ավելի վաղ ՄԻԵԴ-ն անօրինական էր ճանաչել նրա անձնական կյանք ներխուժումը, երբ նրա բնակարանում թաքնված տեսախցիկ էր դրվել, իսկ տեսանյութն էլ հրապարակվել էր համացանցում:
Նշենք, որ Իսմայիլովան Ալիևների ընտանիքի ծավալած ապօրինի գործունեության վերաբերյալ հետաքննություն էր վարել:
Լրագրողի հետաքննության արդյունքում՝ հայտնի էր դարձել, որ Ալիևները ԱՄՆ-ում տնօրինում են 3 մլրդ դոլար արժողությամբ ակտիվներ, որոնք կառավարվում են մի շարք ընկերությունների միջոցով: Ըստ Իսմայիլովայի` դա ֆինանսական կայսրության դեռ միայն մի փոքր մասն էր:
Հետևեք մեզ տելեգրամում
