Թուրքիա-Հայաստան կարգավորման գործընթացի հատուկ ներկայացուցիչ, դեսպան Սերդար Քըլըչը, Թուրքիայի ԱԳՆ Կովկասի և Միջին Ասիայի ստորաբաժանման ղեկավարի տեղակալ Այշե Ուզերը, ԱԳՆ ներկայացուցիչներ Արիֆ Էքմեքչին և Օնդեր Աքգյունն Անկարայում ընդունել են Կարսի առևտրի և արդյունաբերության պալատի կառավարման խորհրդի նախագահ Քադիր Բոզանին, խորհրդի նախագահ Իդրիս Աջային և կառավարման խորհրդի անդամներին։
Հավաքի գլխավոր օրակարգային հարցն է եղել Կարսի Աքյաքայի շրջանում գտնվող Արևելյան դուռ սահմանային անցակետի բացումը, այդ գործընթացի ազդեցությունը Կարսիբնակչության ր և անցակետի բացման հնարավոր սոցիալ-տնտեսական հետևանքները շրջանի վրա։
Սերդար Քըլըչը, մանրամասն ներկայացնելով գործընթացը, ուշադրություն է հրավիրել շրջանի և երկրի համար այդ քայլի կարևորությանը։
Քադիր Բոզանն իր խոսքում նշել է․ «Մոտիկից հետևում ենք Ադրբեջան-Թուրքիա-Հայաստան կարգավորման գործընթացին և հավատում ենք, որ Ադրբեջան-Թուրքիա-Հայաստան խնդիրների լուծումից և կարգավորման իրականացումից հետո Արևելյան դուռ սահմանային անցակետի բացումը մեծ ներդրում է ապահովելու ոչ միայն Կարսի, այլև (տարածա)շրջանի ժողովրդի տնտեսական և սոցիալական զարգացմանը։ Սահմանի բացումը մեծացնելու է Կարսի առևտրաշրջանառությունը, ամրապնդելու է շրջանում զբաղվածությունը և մեծ թափ է հաղորդելու մեր տնտեսությանը։ Այս կարևոր զարգացումը միաժամանակ ամրապնդելու է Կարսի տարածաշրջանային կապերը և միջազգային համագործակցությունն առաջ է մղելու»։
Ասելով, որ որպես Կարսի առևտրի և արդյունաբերության պալատ մշտապես տարածաշրջանային համագործակցությունը և տնտեսական զարգացումը խրախուսող նմանօրինակ քայլերի աջակիցն են՝ շեշտել է իրենց հավատն առ այն, որ հանդիպումը կարևոր ճանապարհ է բացելու Կարսի ապագայի տեսանկյունից։
Հետևեք մեզ տելեգրամում
