Ռուսաստանի Ամուրի մարզում վթարի ենթարկված Ան-24 ինքնաթիռը հրդեհվել է, ողբերգության վայրում կենդանի մնացածներ չեն հայտնաբերվել: Այս մասին հայտնում է ՌԴ Քաղաքացիական պաշտպանության և հրդեհային անվտանգության տարածաշրջանային կենտրոնի մամուլի ծառայությունը։
«Տինդայի օդանավակայանի տնօրենի խոսքով՝ Ան-24-ը վթարի ժամանակ հրդեհ է բռնկվել, Մի-8-ը շրջանցել է այն, սակայն օդից կենդանի մնացածներ չեն հայտնաբերվել»,-ասվում է հայտարարության մեջ։
«Մինչ այժմ փրկարարներով ուղղաթիռը չի կարողացել վայրէջք կատարել վթարի վայրում. դա դժվարամատչելի տարածք է, լեռան լանջ», – ասել է ՏԱՍՍ-ի աղբյուրը:
Նախնական տեղեկություններով ինքնաթիռում եղել է 49 մարդ՝ 43 ուղևոր և անձնակազմի 6 անդամ։ Ուղևորների շարքում հինգը երեխաներ էին: An-24 ինքնաթիռը շարժվում էր Խաբարովսկ-Բլագովեշենսկ-Տինդա երթուղով։
Ինքնաթիռի հետ կապը կորել էր այն բանից հետո, երբ օդանավն առաջին անգամից չէր կարողացել վայրէջք կատարել Տինդայում ու փորձել էր երկրորդ պտույտն անել։
Ըստ նախնական վարկածի՝ ինքնաթիռի կործանման պատճառն անձնակազմի սխալն է վատ տեսանելության պայմաններում վայրէջքի փորձի ժամանակ։
Հետևեք մեզ տելեգրամում
