Սիրիացի և իսրայելցի պաշտոնյաները հինգշաբթի օրը Փարիզում ԱՄՆ-ի միջնորդությամբ կայացած բանակցությունների ժամանակ խոսել են Սիրիայում իրավիճակի լիցքաթափման մասին, ասել է Թուրքիայում ԱՄՆ դեսպան և Մերձավոր Արևելքի հարցերով ԱՄՆ նախագահի բանագնաց Թոմ Բարաքը։
«Մեր նպատակը երկխոսությունն ու լիցքաթափումն էր, և մենք հենց դրան հասանք։ Բոլոր կողմերը վերահաստատել են իրենց հանձնառությունը շարունակել այս ջանքերը»,-X սոցիալական ցանցում գրել է Բարաքը։
Հիշեցնենք, որ հարյուրավոր մարդիկ են զոհվել Սիրիայի հարավային ալ-Սուվյդա նահանգում դրուզ զինյալների, սուննի բեդվին ցեղերի և կառավարական ուժերի միջև տեղի ունեցած բախումների հետևանքով։ Իսրայելը միջամտել է ավիահարվածներով՝ «կանխելու այն, ինչը, ըստ Իսրայելի, Սիրիայի կառավարական ուժերի կողմից դրուզների զանգվածային սպանդ է»։
Հետևեք մեզ տելեգրամում
