Թուրքիայի խորհրդարանի՝ երկրում արգելված և ահաբեկչական ճանաչված Քրդստանի աշխատավորական կուսակցության (PKK) զինաթափման համար հանձնաժողովն իր աշխատանքները կսկսի օգոստոսի 5-ին։ Այս մասին հայտարարել է Թուրքիայի խորհրդարանի նախագահ Նուման Քուրթուլմուշը։
Հանձնաժողովի կազմում կլինեն խորհրդարանում ներկայացված բոլոր կուսակցությունների պատգամավորները։ Այն կզբաղվի PKK-ի զինաթափման գործընթացի օրենսդրական հիմքերի մշակմամբ։ Մինչև հոկտեմբեր, երբ խորհրդարանը կգումարի իր աշնանային նստաշրջանը, հանձնաժողովը կպատրաստի իր առաջարկները, այդ թվում՝ հակաահաբեկչական ակտերի և պատիժների կատարման մասին օրենքում փոփոխություններ կատարելու վերաբերյալ։
Հիշեցնենք, որ 2025թ․ փետրվարի 27-ին PKK-ի հիմնադիր Աբդուլլահ Օջալանն իր կողմնակիցներրին կոչ արեց վայր դնել զենքը, ինքնակամ լուծարել PKK-ն ու դադարեցնել Անկարայի հետ զինված հակամարտությունը։
Հետևեք մեզ տելեգրամում
