Թուրքիայի նախագահ Ռեջեփ Թայիփ Էրդողանը հայտարարել է, որ Մերձավոր Արևելքը շատ կարևոր թեմա է ԱՄՆ նախագահ Դոնալդ Թրամփի հետ սեպտեմբերի 25-ին նախատեսված իր հանդիպմանը։
«Քննարկվելու են տարածաշրջանային հարցեր, մասնավորապես՝ Սիրիան։ Մերձավոր Արևելքում ձեռնարկված յուրաքանչյուր քայլ կենսական նշանակություն ունի մեզ համար։ Իհարկե, մենք պետք է քննարկենք սա պարոն Թրամփի հետ։ Սա շատ, շատ կարևոր է»,-Նյու Յորքի Թուրքական տուն ժամանելուց հետո լրագրողներին ասել է Էրդողանը:
Թուրքիայի նախագահը նաև հիշեցրել է, որ ՄԱԿ-ի Գլխավոր ասամբլեայի շրջանակներում նախատեսված է Սիրիայի ժամանակավոր նախագահ Ահմեդ ալ-Շարայի հետ հանդիպումը։ Բանակցությունները, ինչպես սպասվում է, տեղի կունենան ՄԱԿ-ի շենքի մոտ գտնվող Թուրքական տանը։
Թրամփի հետ հանդիպումը նախատեսված է սեպտեմբերի 25-ին։ Էրդողանն այս հանդիպմանը մասնակցելու համար կմեկնի Վաշինգտոն։
Հետևեք մեզ տելեգրամում
