ԱՄՆ նախագահ Դոնալդ Թրամփի Նյու Յորքում ՄԱԿ-ի գլխավոր գրասենյակի վիճակի վերաբերյալ բողոքները դարձել են ՄԱԿ-ի Գլխավոր ասամբլեայի 80-րդ նստաշրջանի շրջանակներում ամենաշատ քննարկվող թեման, գրում է եվրոպական Politico հրատարակությունը։
Պարբերականը զրուցել է կազմակերպության աշխատակիցների հետ, ովքեր հաստատել են, որ շենքը «անմխիթար վիճակում է» և վերանորոգման կարիք ունի, չնայած այն վերանորոգվել է 10 տարի առաջ: Politico-ի աղբյուրները հայտնել են չգործող շարժասանդուղքների, նստատեղերի պատռված պաստառների և անսարք անվտանգության կետերի մասին։
Նշենք, որ ՄԱԿ-ի Գլխավոր ասամբլեայի 80-րդ նստաշրջանի ընդհանուր քննարկումների ժամանակ ԱՄՆ նախագահ Դոնալդ Թրամփը բողոքել է չգործող շարժասանդուղքից և անսարք հեռահուշարարից։ Թրամփը նաև քննադատել է ՄԱԿ-ին՝ միջոցների անարդյունավետ մսխման համար, այդ թվում՝ Մանհեթենի շենքի վերանորոգման հարցում: Եվրոպացի պաշտոնյան Politico-ին ասել է, որ Թրամփի թիմը Գլխավոր ասամբլեա է բերել իր սեփական հեռահուշարարը, որի շահագործման ընթացքում հայտնաբերվել են անսարքություններ։
Թրամփի ելույթից հետո ՄԱԿ-ը հայտարարեց, որ շարժասանդուղքի հետ կապված միջադեպը, որը կանգ էր առել, երբ ԱՄՆ նախագահը դրա վրա էր, վթար էր՝ անվտանգության մեխանիզմի ակտիվացման պատճառով, որը, հավանաբար, ակտիվացվել էր տեսանկարահանողի կողմից:
Հետևեք մեզ տելեգրամում
