«The World of Fine Wine» հրատարակությունը նյութ է նվիրել Հայաստանին և նրա հարուստ գինեգործական ավանդույթին։
Բրիտանացի լրագրող Անաստասիա Էդվարդսը չի սահմանափակվել սովորական ճամփորդությամբ. նա երկարատև ուսումնասիրություն է անցկացրել երկրի պատմության և մշակույթի վերաբերյալ, հանդիպել գինեգործների հետ և փորձել հասկանալ նրանց փիլիսոփայությունը։
Հոդվածում հատուկ ուշադրություն է դարձվել «Gevorkian Winery», «Old Bridge», «Kataro», «Stork», «Alluria», «Zorah Winery», «Yacoubian‑Hobbs» և այլ գինեգործարաններին։ Ըմպելիքների շարքում հեղինակն առանձնացրել է Keush Extremis Rosé, Keush Ultra Blanc de Noir, Yeraz 2019, Kataro 2021, Stork Areni Montepulciano և Stork Kangoun գինիները:
Լրագրողին նաև տպավորել են մշակութային և պատմական վայրերը՝ Արենի-1 քարանձավը, Նորավանքը, «Վերնիսաժ» շուկան, Հայաստանի պատմության թանգարանը, «Լավաշ» ռեստորանը և «InVino» գինու բարը:
Հետևեք մեզ տելեգրամում
