ԱՄՆ-ն շարունակում է կոչ անել Թուրքիային հրաժարվել ռուսական «S-400» ՀՕՊ համակարգերից։ Թեմայի շուրջ նոր հայտարարություն է արել Թուրքիայում ԱՄՆ դեսպան Թոմ Բարաքը։
«F-35 կործանիչների ծրագրին վերադառնալու համար Թուրքիան այլևս չպետք է շահագործի կամ ունենա S-400 ՀՕՊ համակարգերը։ Մենք հույս ունենք, որ առաջիկա ամիսներին այս բանակցությունները կհանգեցնեն առաջընթացի, որը կհամապատասխանի ԱՄՆ-ի և Թուրքիայի անվտանգության պահանջներին», – ընդգծել է դեսպանը։
Հիշեցնենք, որ Անկարան 2017-ին Մոսկվայի հետ 2.5 միլիարդ դոլար արժողությամբ պայմանագիր էր կնքել 2 միավոր S-400 համալիրի ձեռքբերման համար։ Համակարգերը մատակարարվել էին 2019-ին, ինչի հետևանքով Վաշինգտոնը Թուրքիային հեռացրել էր ամերիկյան նոր սերնդի F-35 կործանիչների ծրագրից և կիրառել «CAATSA» («Պատժամիջոցների միջոցով ԱՄՆ հակառակորդներին հակազդելու մասին» օրենք) պատժամիջոցներ։
Հետևեք մեզ տելեգրամում
