Կատարում ԱՄՆ դեսպանատունը խորհուրդ է տվել իր բոլոր աշխատակիցներին խուսափել «Ալ Ուդեյդ» ավիաբազայի տարածք այցելելուց և ավելի զգույշ լինել երկրի ներսում ճանապարհորդելիս։
«Շարունակական լարվածության պատճառով Դոհայում ԱՄՆ դեսպանատունը խորհուրդ է տվել իր աշխատակիցներին ավելի զգույշ լինել և սահմանափակել «Ալ Ուդեյդ» ավիաբազա ոչ անհրաժեշտ ուղևորությունները», – ասվում է դեսպանատան կայքում տեղադրված հայտարարության մեջ։
Դեսպանատունը նաև խորհուրդ է տալիս Կատարում գտնվող ԱՄՆ բոլոր քաղաքացիներին խուսափել ավիաբազայի տարածք այցելելուց։ Հայտարարության մեջ ընդգծվում է, որ դեսպանատունը շարունակում է աշխատել բնականոն ռեժիմով՝ առանց փոփոխությունների։
Ավելի վաղ Սաուդյան Արաբիայում ԱՄՆ դեսպանատունը խորհուրդ էր տվել իր աշխատակիցներին և թագավորությունում գտնվող ամերիկացիներին զերծ մնալ ռազմական օբյեկտներ այցելելուց։
Հիշեցնենք, որ 2025 թվականի հունիսին Իրանը, ի պատասխան Իսրայելի և ԱՄՆ-ի հարվածների, հրթիռներ արձակեեց «Ալ Ուդեյդ» ավիաբազայի վրա։
Հետևեք մեզ տելեգրամում
