Գազայի հատվածում ստեղծված իրավիճակի կարգավորման համար ԱՄՆ-ի նախաձեռնությամբ ստեղծված «Խաղաղության խորհրդում» Թուրքիան կներկայացնի արտգործնախարար Հաքան Ֆիդանը։ Այդ մասին հայտարարել է Թուրքիայի նախագահ Ռեջեփ Թայիփ Էրդողանը։
Նշենք, որ Գազայի հարցով «Խաղաղության խորհրդին» միանալու հրավերներ են ուղարկվել բազմաթիվ օտարերկրյա առաջնորդների, այդ թվում՝ Հայաստանի վարչապետ Նիկոլ Փաշինյանին։ ԱՄՆ նախագահ Դոնալդ Թրամփը մտադիր է նախագահել այս միջազգային կառույցը, որը, համաձայն Իսրայելի և պաղեստինյան արմատական ՀԱՄԱՍ շարժման, պետք է ստանձնի Գազայի հատվածի կառավարումը։ Ինչպես հաղորդում է Bloomberg-ը, ԱՄՆ նախագահը նախատեսում է հունվարի 22-ին Դավոսում Համաշխարհային տնտեսական ֆորումի շրջանակներում հաստատել խորհրդի լիազորություններն ու կանոնադրությունը։
Հետևեք մեզ տելեգրամում
