Վրաստանի ազգային վիճակագրական ծառայությունը տվյալներ է հրապարակել 2026-ի հունվարին Վրաստանի ամենախոշոր առևտրային գործընկերների վերաբերյալ։ Ամենախոշոր գործընկերների թվում են Թուրքիան (247մլն դոլար), Չինաստանը (223 մլն դոլար) և Ռուսաստանը (195 մլն դոլար)։
Հայաստանը 8-րդ հորիզոնականում է՝ 43 մլն դոլարով։ Վրաստանն ավելի շատ արտահանել է Հայաստան, քան՝ ներկրել։ Ադրբեջանը 5-րդ հորիզոնականում է՝ 98 մլն դոլարով։
2026թ․ հունվարի առևտրաշրջանառության մեջ աչքի է ընկել Չինաստան արտահանումը։ Նախորդ տարվա նույն ժամանակահատվածի համեմատ դեպի Չինաստան արտահանման ծավալները մի քանի անգամ ավելացել են՝ հասնելով 66 մլն դոլարի։ Ամենաշատը Չինաստան առաքվել են թանկարժեք մետաղների հանքաքարեր և խտանյութեր։
Հետևեք մեզ տելեգրամում
