2022 թվականին անցկացված մարդահամարի արդյունքների համաձայն՝ Հայաստանի ազգային փոքրամասնություններն են եզդիները, ռուսները (մոլոկան), ասորիները և քրդերը։ Եզդիների թվաքանակը կազմում է 31.079, ռուսներինը՝ 14.076, ասորիներինը՝ 2755, քրդերինը՝ 1663։
Ընտրական օրենսգիրք սահմանադրական օրենքի համաձայն՝ կուսակցության կամ դաշինքի ընտրական ցուցակը կարող է ներառել երկրորդ մաս, որտեղ ընդգրկվել են ընտրություններին նախորդող վերջին մարդահամարի տվյալներով առավել մեծ թվով մշտական բնակչություն ունեցող առաջին չորս ազգային փոքրամասնությունների ներկայացուցիչները, հայտնում է Կենտրոնական ընտրական հանձնաժողովը:
Ընտրական ցուցակի երկրորդ մասը բաղկացած է 4 բաժնից, և յուրաքանչյուր բաժնում համապատասխան ազգային փոքրամասնությունից կարող է ընդգրկվել մինչև 4 ներկայացուցիչ։ Եթե որևէ բաժնում տվյալ ազգային փոքրամասնության ներկայացուցիչ չի ընդգրկվել, ապա այդ բաժինը չի լրացվել։
Ընտրական ցուցակի երկրորդ մասում ներառված ազգային փոքրամասնության ներկայացուցիչ պատգամավորի թեկնածուն կարող է ընդգրկվել նաև ընտրական ցուցակի առաջին մասում։
Հետևեք մեզ տելեգրամում
