Իրանի խորհրդարանի ազգային անվտանգության և արտաքին քաղաքականության հանձնաժողովում Հորմուզի նեղուցի կառավարման մասին նախագիծ են հաստատել: Այս մասին հայտնել է հանձնաժողովի անդամներից մեկը, փոխանցում են իրանական ԶԼՄ-ները:
Նախագծի հիմնական դրույթներն են.
- Նախատեսվում է արգելել ԱՄՆ-ի և Իսրայելի տրանսպորտային միջոցների անցուդարձը նեղուցով։
- Արգելքը կարող է տարածվել նաև այն երկրների նավերի վրա, որոնք միակողմանի պատժամիջոցներ են կիրառում Իրանի դեմ։
- Սահմանվում են նոր ֆինանսական կարգավորումներ, ըստ որոնց՝ նեղուցով անցնող նավերից կարող են գանձվել տուրքեր՝ իրանական ռիալով։
- Նախագիծն ընդգծում է Իրանի և նրա զինված ուժերի ինքնիշխան դերի իրացումը նեղուցի կառավարման հարցում։
- Նախատեսվում է իրավական կառուցվածքի շուրջ համագործակցություն Օմանի հետ։
- Փաստաթուղթը կարգավորում է նաև նավագնացության անվտանգության և բնապահպանական նորմերի պահպանման խնդիրները։
Նախագիծը դեռ պետք է քվեարկության դրվի խորհրդարանի լիագումար նիստում:
Հետևեք մեզ տելեգրամում
