Իրանի արտաքին գործերի նախարարության մամուլի խոսնակ Էսմայիլ Բաղաեին հայտարարել է, որ երկրի խորհրդարանում ներկայումս քննարկվում է Միջուկային զենքի չտարածման մասին պայմանագրից (NPT) դուրս գալու հարցը: Փոխանցում են իրանական ԶԼՄ-ները:
Խոսնակը նշել է, որ հասարակության շրջանում հարց է առաջանում, թե որն է միջազգային այնպիսի փաստաթղթին անդամակցելու օգուտը, որի շրջանակներում Իրանին թույլ չեն տալիս օգտվել իր օրինական իրավունքներից ու արտոնություններից:
Միևնույն ժամանակ Բաղաեին վերահաստատել է Թեհրանի պաշտոնական դիրքորոշումն առ այն, որ Իրանի Իսլամական Հանրապետությունը երբեք չի ձգտել և չի ձգտում միջուկային զենք ունենալ:
Հետևեք մեզ տելեգրամում
