Թուրքիայի նախագահ Ռեջեփ Թայիփ Էրդողանը և Իրանի նախագահ Մասուդ Փազեշքիանը հեռախոսազրույց են ունեցել։ Հեռախոսազրույցի ընթացքում կողմերը քննարկել են Իրանի ու ԱՄՆ միջև հաստատված հրադադարը և տարածաշրջանում անվտանգային իրավիճակը։
Էրդողանը նշել է, որ Թուրքիան, համապատասխան երկրների հետ միասին, ինտենսիվ ջանքեր է գործադրել հրադադարի հաստատմանը տանող գործընթացում։
Նա նաև ընդգծել է, որ առաջիկա օրերին սկսվող բանակցությունները պետք է առավելագույնս օգտագործվեն երկարատև խաղաղության և կայունության համար։ Ըստ նրա՝ կարևոր է չտալ հնարավորություններ նրանց, ովքեր ցանկանում են խաթարել գործընթացը, և հավելել, որ Թուրքիան պատրաստ է բարեկամ երկրների հետ միասին առաջարկել ամեն տեսակի ներդրում նոր գործընթացում։
Իրանի նախագահը շեշտել է, որ իսլամական երկրները պետք է միասնաբար հակազդեն Իսրայելի գործողություններին, «որոնք վտանգում են տարածաշրջանի կայունությունն ու անդորրը»: Փեզեշքիանը հավելել է, որ միջազգային հանրությունը և իսլամական երկրները պետք է ճնշում գործադրեն ԱՄՆ-ի և Իսրայելի վրա՝ դադարեցնելու ռազմական գործողությունները, հատկապես՝ Լիբանանում:
Հետևեք մեզ տելեգրամում
