Ապրիլի 21-ին ԱՄՆ մայրաքաղաք Վաշինգտոնում տասնյակ վետերաններ և նրանց ընտանիքի անդամներ, այդ թվում՝ հաշմանդամություն ունեցող անձինք են ձերբակալվել Իրանում պատերազմի դեմ բողոքելու համար։ The Hill պարբերականի հաղորդմամբ՝ ոստիկանությունը բերման է ենթարկել առնվազն 62 ցուցարարի, որոնք ներխուժել էին Կոնգրեսի գրասենյակային շենքերից մեկը՝ իրականացնելով քաղաքացիական անհնազանդության ակցիա։
Ակցիան կազմակերպվել է մի քանի վետերանական կազմակերպությունների կողմից: Ցուցարարները պարզել են «Դադարեցրե՛ք Իրանի դեմ պատերազմը» գրությամբ պաստառներ և ձեռքերում պահել կարմիր կակաչներ՝ ի հիշատակ ԱՄՆ հարվածների հետևանքով զոհված իրանցիների։ Իրականացվել է նաև դրոշի ծալման արարողություն՝ որպես հարգանքի նշան պատերազմի ընթացքում զոհված ամերիկացի 13 զինծառայողների։
Հետևեք մեզ տելեգրամում
