Ադրբեջանի նախագահի օգնական Հիքմեթ Հաջիևը թուրք լրագրողներին տված հարցազրույցում, անդրադառնալով Իսրայելի կառավարության կողմից Հայոց ցեղասպանության ճանաչման նախագծին, նշել է, որ Ադրբեջանը եղել է առաջին երկիրը, որը խիստ քննադատել է Իսրայելի կառավարության որոշումը:
Հաջիևի խոսքով՝ Բաքուն իսրայելական պաշտոնյաներին հայտնել է, որ այդ որոշումը սխալ էր, և առաջարկել է հրաժարվել դրանից, ինչին իսրայելական կողմը համաձայնել է։
«Դա լուրջ անհանգստություն է առաջացրել Ադրբեջանում, քանի որ եղբայրական Թուրքիայի շահերը առաջնահերթություն են նաև Ադրբեջանի համար։ Դա մեր կարմիր գիծն է։ Այս հարցի շուրջ մեր նախագահի հանձնարարությամբ ակտիվ դիվանագիտական աշխատանք ենք իրականացրել։ Մենք հստակ ուղերձ ենք փոխանցել Իսրայելին։ Նման որոշման ընդունումը, նախ, անարդար է, չի արտացոլում պատմական իրողությունները, և մենք դրա ընդունումը ճիշտ չենք համարում։ Որպես դրական զարգացում՝ Ադրբեջանի արձագանքը հաշվի է առնվել, և կանխվել է նախաձեռնության հետագա ընթացքը։ Այն սեղանի շուրջ, որտեղ Թուրքիան ներկա չէ, ներկա է Ադրբեջանը։ Այն սեղանի շուրջ, որտեղ Ադրբեջանը ներկա չէ, ներկա է Թուրքիան։ Մեր երկրների շահերին հակասող յուրաքանչյուր քայլին մենք հստակ պատասխան ենք տվել և այսուհետ ևս պատասխանելու ենք»,- ասել է Հաջիևը։
Հետևեք մեզ տելեգրամում
