Թուրքիան հերթական անգամ սահմանափակել է Եփրատ գետով դեպի Սիրիա հոսող ջրի ծավալը՝ մի շարք խնդիրներ առաջացնելով Սիրիայի հյուսիսարևելյան շրջաններում։
Հաղորդվում է, որ Եփրատով դեպի Սիրիա հոսող ջրի նախատեսված նվազագույն 500 խ/մ ծավալը Թուրքիան իջեցրել է մինչև 150-200 խ/մ։
Նշվում է, որ այս պայմաններում բացի տնտեսական վնասներից, հումանիտար խնդիր է առաջացել Սիրիայի Քոբանի շրջանի Սըրին ավանում (25 հզ․ բնակչությամբ), որտեղ խմելու ջրի անբավարարություն է առաջացել։
Հայտնի է, որ Թուրքիան Եփրատ գետի վրա տասնյակ մեծ ու փոքր ջրամբարներ է կառուցել, որոնցում կուտակած ջուրն օգտագործում է և՛ գյուղատնտեսության, և՛ հոսանք ստանալու համար։ Նշվում է, որ այս տարվա մայիսին արդեն գետի թուրքական հատվածում տնտեսական նպատակներով ջրի անխնա օգտագործման հետևանքով դեպի Սիրիա հոսող ջրի ծավալը նվազել է 60 տոկոսով։
Ավելացնենք, որ Թուրքիան ժամանակ առ ժամանակ միտումնավոր կերպով նվազեցնում է դեպի Սիրիա հոսող ջրի ծավալները՝ այդ կերպ փորձելով շանտաժի ենթարկել Արաբական Հանրապետությանը։
Հետևեք մեզ տելեգրամում
