Իսրայելի պաշտպանության բանակը հանդես է եկել հայտարարությամբ՝ հաստատելով նախօրեին Լիբանանում երկու պահեստազորայինների մահանալու մասին տեղեկությունը։ Այս մասին հայտնում է Al Jazeera-ն:
Ռազմական գերատեսչության փոխանցմամբ՝ նրանք մահացել են մարտական գործողությունների ընթացքում՝ Լիբանանի հարավում գտնվող Մաջդալ Զուն բնակավայրում տեղի ունեցած պայթյունի հետևանքով։ Եվս չորս զինծառայող ծանր վիրավորվել է և տեղափոխվել հիվանդանոց։
Միջադեպից հետո Իսրայելի զինված ուժերը հարվածների շարք են հասցրել Լիբանանի հարավային շրջաններին, ինչի հետևանքով զոհվել է առնվազն մեկ մարդ։
Նշենք, որ չնայած Լիբանան-Իսրայել բանակցություններին՝ Թել Ավիվը պարբերաբար հարվածներ է հասցնում Լիբանանի հարավին:
Հետևեք մեզ տելեգրամում
