2026 թվականին Ռուսաստանի և Հայաստանի միջև ապրանքաշրջանառությունը կրճատվել է երկու երրորդով, և անկումը շարունակվելու է: Այս մասին հայտարարել է ՌԴ փոխվարչապետ Ալեքսեյ Օվերչուկը, փոխանցում է «Ведомости»-ն:
«2024 թվականին Ռուսաստանի և Հայաստանի միջև ապրանքաշրջանառությունը հասել էր ռեկորդային ցուցանիշի՝ շուրջ 12 միլիարդ դոլարի։ Դա հսկայական թիվ է։ Անցյալ տարի այն նվազեց՝ հասնելով մոտ 8 միլիարդ դոլարի»,- ընդգծել է ՌԴ փոխվարչապետը։
Նրա խոսքով՝ այս տարի արձանագրվում է «ապրանքաշրջանառության շատ դրամատիկ անկում»: «Ակնհայտորեն, այն շարունակելու է նվազել»,- համոզմունք է հայտնել Օվերչուկը:
2026 թվականի հունվար-մայիս ամիսներին Ռուսաստանի և Հայաստանի միջև առևտուրը նախորդ տարվա նույն ժամանակահատվածի համեմատ նվազել է 21,5%-ով: 2026 թվականի առաջին հինգ ամիսներին երկրների միջև ապրանքաշրջանառությունը կազմել է 2,196 միլիարդ դոլար՝ մեկ տարի առաջ գրանցված 2,763 միլիարդ դոլարի փոխարեն: Հայաստանի ընդհանուր ապրանքաշրջանառության մեջ Ռուսաստանի մասնաբաժինը 35,1%-ից նվազել է մինչև 28%:
Ապրանքաշրջանառության ծավալների կրճատումը տեղի է ունենում ՌԴ հայկական ապրանքների մի մասի ներմուծման սահմանափակումների ֆոնին:
Հետևեք մեզ տելեգրամում
