Սաուդյան Արաբիայի պետական նավթային Saudi Aramco ընկերության գնահատմամբ՝ ԱՄՆ-Իրան պատերազմի սկզբից ի վեր աշխարհը կորցրել է շուրջ 2,6 մլրդ բարել նավթ, ինչը համարժեք է նախապատերազմյան համաշխարհային սպառման շուրջ 25 օրվան։ Այս մասին հայտնում է Reuters-ը։
Էներգետիկայի միջազգային գործակալության (ՄԷԳ) անդամ երկրների կառավարությունների տնօրինության տակ գտնվող նավթի պաշարները ներկայում չեն գերազանցում 1 մլրդ բարելը։
Վերլուծաբանների գնահատմամբ՝ նավթի առաջարկի և պահանջարկի միջև օրական շուրջ 5 մլն բարելի պակաս կա, իսկ Saudi Aramco-ն Պարսից ծոցից մատակարարումների կորուստը գնահատում է օրական 11 մլն բարել։
Reuters-ի փոխանցմամբ՝ եթե պատերազմը շարունակվի ևս վեց ամիս, հիմնական մտահոգություններից մեկը կարող է դառնալ դիզելային և ավիացիոն վառելիքի պաշարների ոչ բավարար լինելը։
Հետևեք մեզ տելեգրամում
