Բեյրութի կործանարար պայթյունից օրեր անց վերսկսված հակակառավարական բողոքի ակցիաների ֆոնին Լիբանանի կառավարության անդամները շարունակում են մեկը մյուսի ետևից հրաժարականներ ներկայացնել։ Այս պահի դրությամբ 4 նախարար արդեն հրաժարական է ներկայացրել։
Վերջինը պաշտոնից հրաժարվել է երկրի ֆինանսների նախարար Գազի Վազնին։ Այսօր՝ օգոստոսի 10-ին, Վազնիից ժամեր առաջ հրաժարականի մասին էր հայտարարել Լիբանանի արդարադատության նախարար Մարի Կլոդ Նաջեմը։
Երեկ էլ հրաժարաններ էին ներկայացրել նախ Լիբանանի Տեղեկատվության նախարար Մանալ Աբդել Սամադը, ապա՝ Շրջակա միջավայրի նախարար Դամիանոս Քաթարը։
8 պատգամավորներ էլ հրաժարվել են մանդատից։ Նրանց թվում է նաև Փոլա Յակուբյանը:
Տեղեկացնենք, որ պայթյունից օրեր անց Լիբանանում վերսկսվել են կառավարության դեմ բողոքի գործողությունները, որոնք օգոստոսի 9-ի երեկոյան վերաճել են անկարգությունների։ Ցուցարարները գրոհել են մի քանի նախարարությունների շենքերը։
Հետևեք մեզ տելեգրամում
