Նախօրեին անհայտ անձինք Իրաքում կրակ են բացել լրագրողներին տեղափոխող մեքենայի վրա։ Հարձակման հետևանքով սպանվել են «Dilja TV» հեռուստաընկերության լրագրող Ահմեդ Աբդուլ Սամադը և օպերատոր Սաֆաա Ղալին։
Հեռուստաընկերության հրապարակած տեսանյութում երևում է, որ Աբդուլ Սամադը հրազենային վնասվածք է ստացել գլխի շրջանում, իսկ Ղալին՝ երեք գնդակը կրծքավանդակին։
Բաղդադում ԱՄՆ-ի դեսպանատունը, «Twittter»-ում համապատասխան գրառում կատարելով, հարձակումը որակել է որպես «խղճուկ և վախկոտ» քայլ։
«Շարունակական սպանությունները, մարդկանց առևանգումները, զինված խմբավորումների կողմից մամուլի ներկայացուցիչների, սոցցանցերի ակտիվիստների և Իրաքում բարեփոխումների կողմնակիցների հետապնդումներն ու ահաբեկումը չեն կարող անպատասխան մնալ», – ասված է հրապարակման մեջ։
Հետևեք մեզ տելեգրամում
