Ադրբեջանի Սումգայիթ քաղաքի Հաջի Զեյնալաբդին գյուղի «Ազերսուն» արդյունաբերական պարկում ապրիլի 28-ին խոշոր հրդեհ է բռնկվել (Բաքվից մոտ 35 կմ հեռավորության վրա): Տեղեկությունը փոխանցում է «ՌԻԱ Նովոստի»-ն։
Հրդեհի մարման աշխատանքներում ներգրավվել են Արտակարգ իրավիճակների նախարարության ուժերը, այդ թվում՝ ավիացիոն խմբի երկու ուղղաթիռ, ինչպես նաև հրշեջ գնացք։ Չնայած ջանքերին՝ կրակը չէր մարվում ավելի քան երկու ժամ։
Նշենք, որ Սումգայիթը Ադրբեջանի արդյունաբերական կենտրոնն է և մեծությամբ երկրորդ քաղաքը։
Հետևեք մեզ տելեգրամում
