Սիրիայում երկրաշարժ է գրանցվել, որին հետևել է 12 հետցնցում: Այս մասին հաղորդագրություն է տարածել Սիրիայի Երկրաշարժի ազգային կենտրոնը:
Համաձայն հաղորդագրության՝ Ազգային սեյսմոլոգիական ցանցի կայանները երկրաշարժ են գրանցել Լաթաքիայից մոտ 40 կմ հյուսիս-արևմուտք և Համայից 6 կմ հյուսիս-արևելք՝ 3,1 բալ ուժգնությամբ: 2.1 բալ ուժգնությամբ երկրաշարժ է գրանցվել նաև Համայից 10 կմ հյուսիս-արևելք:
Հիշեցնենք, որ փետրվարին Թուրքիայի Քահրամանմարաշ քաղաքում տեղի էր ունեցել ավերիչ երկրաշարժ 7,8 մագնիտուդ ուժգնությամբ: Երկրաշարժը ավերածություններ էր առաջացրել նաև Սիրիայում՝ հանգեցնելով 7259 զոհի: Հայկական համայնքը ևս տուժել է երկրաշարժից: Զոհվել էր երկու հայ:
Հետևեք մեզ տելեգրամում
