Վրաստանի հաշտեցման և քաղաքացիական հավասարության հարցերով պետական նախարար Թեա Ախվլեդիանին այցել է Սամցխե-Ջավախեթիի և հանդիպել Ախալքալաքի բնակիչների հետ:
Ինչպես գրում են վրացական ԶԼՄ-ները, հանդիպման ժամանակ Թեա Ախվլեդիանին ներկայացրել է եռշաբաթյա բազմաբնույթ արշավի նպատակները, որը ծառայում է էթնիկ փոքրամասնությունների ներկայացուցիչներին իրազեկմանը տարբեր ընթացիկ խնդիրների մասին։
Ախվլեդիանին նշել է, որ քարոզարշավի շրջանակում, որն անցկացվելու է ազգային փոքրամասնություններով խիտ բնակեցված մունիցիպալիտետներում՝ Ախալքալաքում, Նինոծմինդաում, Ախալցխայում և Ասպինձայում, բնակչությունը հնարավորություն կունենա տեղեկատվություն ստանալ երկրում գործող պետական ծրագրերի և ծառայությունների մասին։
Նա կարևորել է ոչ վրացալեզու համաքաղաքացիների լիարժեք մասնակցությունն ու ներգրավվածությունը հասարակական կյանքում, ինչը հասարակության ինտեգրման պետական քաղաքականության առաջնահերթ խնդիրներից է։
Հետևեք մեզ տելեգրամում
