Թուրքիան պաշտոնական հայտ է ներկայացրել BRICS-ին միանալու համար, այս մասին հայտնում է Bloomberg-ը՝ հղում կատարելով իր
աղբյուրներին։ Նշվում է, որ նման քայլով Անկարան ձգտում է ամրապնդել իր գլոբալ ազդեցությունը և նոր կապեր հաստատել: BRICS-ի անդամ են Բրազիլիան, Ռուսաստանը, Հնդկաստանը, Չինաստանը և ՀԱՀ-ը։
Ավելի վաղ Թուրքիայի ԱԳՆ-ի ղեկավար Հաքան Ֆիդանը հայտնել էր, որ Թուրքիան ցանկանում է միանալ BRICS-ին. այդ հարցը կքննարկվի միավորման նախարարական հանդիպմանը Նիժնի Նովգորոդ քաղաքում։
Նրա խոսքով՝ եվրոպական որոշ պետություններ դեմ են ԵՄ-ին Թուրքիայի անդամակցությանը, ուստի Անկարան BRICS-ը դիտարկում են որպես ինտեգրման այլընտրանքային հարթակ։
Անցած ամիս կազմակերպությանը միանալու պաշտոնական հայց է ներկայացրել նաև Ադրբեջանը:
Բրազիլիայի, Ռուսաստանի, Հնդկաստանի, Չինաստանի և Հարավաֆրիկյան Հանրապետության մասնակցությամբ միությունը կազմավորվել է 2006 թվականին, հետագայում խմբին միացել են նաև Եգիպտոսը, Իրանը, Արաբական Միացյալ Էմիրությունները, Սաուդյան Արաբիան և Եթովպիան: Սա միջազգային հարթակ է, որի անդամ պետությունների ղեկավարները հավաքվում են տարեկան գագաթնաժողովներին և քննարկում են գլոբալ հիմնահարցներն ու փոխադարձ համագործակցությունը:
Հետևեք մեզ տելեգրամում
