ԱՄՆ Պետքարտուղարության խոսնակ Մեթյու Միլլերը լրագրողների հետ հարցուպատասխանի ժամանակ հայտարարել է, որ ԱՄՆ-ն աջակցում է Վրաստանի ժողովրդին և նրա՝ եվրաատլանտյան ինտեգրման ձգտումները, ինչպես նաև չի վարանի լրացուցիչ միջոցներ ձեռնարկել՝ ի պատասխան իշխող «Վրացական երազանքի» ոչ ժողովրդավարական քայլերի։
Միլլերը ևս մեկ անգամ ընդգծել է, որ ի պատասխան Վրաստանի կառավարության գործողությունների, Միացյալ Նահանգները վերանայել է զգալի օգնությունը, որը տրամադրում էր Վրաստանի կառավարությանը, և կասեցրել է 95 միլիոն դոլարը։
Խոսնակը հավելել է, որ շարունակելու են ուսումնասիրել, թե արդյոք կան լրացուցիչ միջոցներ, որոնք տեղին կլինեն, և եթե այո, ապա չեն վարանի օգտագործել դրանք:
Հետևեք մեզ տելեգրամում
