Զուրաբիշվիլին պարզաբանել է, թե ինչու ներում չի շնորհել Սաակաշվիլիին

Վրաստանի նախկին նախագահ Սալոմե Զուրաբիշվիլին մասնակցել է American Enterprise Institute-ի կազմակերպած գիտաժողովին, որտեղ անդրադարձել է նաև նախկին նախագահ Միխեիլ Սաակաշվիլիին ներում չշնորհելու հարցին։ Զուրաբիշվիլին պարզաբանել է, որ տեխնիկապես հնարավոր չէ եղել ներում շնորհել Սաակաշվիլիին, քանի որ դեռևս 3 դատական գործ ընթացքի մեջ է։

«Սաակաշվիլին կարող է դուրս գալ բանտից միայն այն ժամանակ, երբ «Վրացական երազանքը» հեռանա իշխանությունից։ Այդպիսին է իրականությունը»,- հայտարարել է Զուրաբիշվիլին։