Ուկրաինայի հարցով բանակցությունները հետաձգվել են

Մեծ Բրիտանիայի, Ֆրանսիայի, Գերմանիայի և Ուկրաինայի արտաքին գործերի նախարարները հետաձգել են ապրիլի 23-ին նախատեսված Ուկրաինայի հարցով հանդիպումը այն բանից հետո, երբ ԱՄՆ պետքարտուղար Մարկո Ռուբիոն հրաժարվել է մեկնել Լոնդոն։

Ինչպես հայտնում է Sky News հեռուստաալիքը, փոխարենը բանակցություններ տեղի կունենան հինգ երկրների պաշտոնյաների միջև։ Ուկրաինայի արտգործնախարար Անդրեյ Սիբիգան դեռ կլինի Լոնդոնում, և սպասվում է, որ կհանդիպի Մեծ Բրիտանիայի արտգործնախարար Դևիդ Լամիի հետ։

Նշենք, որ ավելի վաղ New York Times-ը գրել էր, որ ԱՄՆ պետքարտուղար Մարկո Ռուբիոն  չեղյալ է հայտարարել ուղևորությունը Լոնդոն։ Դա տեղի է ունեցել այն բանից հետո, երբ Ուկրաինայի նախագահ Վլադիմիր Զելենսկին հայտարարել է, որ Կիևը չի ճանաչի Ղրիմը որպես ռուսական։