Ադրբեջանում ՄԱԿ-ի մանկական հիմնադրամի (UNICEF) գրասենյակը առաջիկա ամիսներին կդադարեցնի իր գործունեությունը ։
Այս մասին հայտնել է ՅՈՒՆԻՍԵՖ-ի մամուլի ծառայության Եվրոպայի և Կենտրոնական Ասիայի տարածաշրջանային ղեկավար Իրինա Մազուրը։
Նրա խոսքով՝ գրասենյակի գործունեության դադարեցման գործընթացը տեղի կունենա փուլերով՝ մի քանի ամսվա ընթացքում։
«ՅՈՒՆԻՍԵՖ-ը իր տարածաշրջանային գրասենյակի և գլխավոր գրասենյակի միջոցով կշարունակի համագործակցել Ադրբեջանի գործընկերների հետ»,-ընդգծել է Մազուրը՝ հիշեցնելով, որ UNICEF-ն Ադրբեջանի կառավարության հետ համագործակցում է 1993 թվականից ի վեր։
«Վերջին 30 տարիների ընթացքում մեր համագործակցությունը նպաստել է մանկական մահացության նվազեցմանը, որակյալ կրթության հասանելիության ընդլայնմանը և երեխաների պաշտպանության համակարգերի ամրապնդմանը»,-եզրափակել է Իրինա Մազուրը։
Հետևեք մեզ տելեգրամում
