Պաղեստինյան «ՀԱՄԱՍ» շարժումը կմերժի Գազայի հատվածի վերաբերյալ ԱՄՆ նախագահի դեսպան Սթիվեն Վիտկոֆի կողմից արված նոր հրադադարի առաջարկը: Այս մասին հաղորդել է BBC-ն՝ հղում անելով շարժման ներկայացուցչին։
Նրա խոսքով՝ «ՀԱՄԱՍ»-ը չի համաձայնի Վիտկոֆի առաջարկին, որն ավելի վաղ Իսրայելը հաստատել է, քանի որ այն չի բավարարում իրենց հիմնական պահանջները, այդ թվում՝ պատերազմի դադարեցումը։
Իր հերթին, Reuters-ը, հղում անելով «ՀԱՄԱՍ»-ի քաղբյուրոյի անդամ Բասեմ Նաիմին, հաղորդել է, որ առաջարկվող համաձայնագիրը «չի բավարարում պահանջներից ոչ մեկը», առաջին հերթին՝ պատերազմի դադարեցումը։ «Այնուամենայնիվ, շարժման ղեկավարությունը ուսումնասիրում է առաջարկը»,-հավելել է Նաիմը։
Նոր առաջարկի մանրամասները չեն հրապարակվել, սակայն Համասի մեկ այլ խոսնակ՝ Սամի Աբու Զուհրին, Reuters-ին ասել է, որ այն «չի ներառում Իսրայելի կողմից պարտավորություններ՝ դադարեցնել պատերազմը Գազայում, դուրս բերել իսրայելական զորքերը անկլավից կամ թույլ տալ օգնության ազատ մուտքը պատերազմից տուժած տարածք»։
Հետևեք մեզ տելեգրամում
