Թուրքիայի տնտեսությունը 2025 թվականի առաջին եռամսյակում տարեկան արտահայտությամբ աճել է 2%-ով, ինչը երկրի ՀՆԱ-ի աճի ամենադանդաղ տեմպն է` 2020 թվականից ի վեր։ Այդ մասին հաղորդել է երկրի վիճակագրական ծառայությունը:
2024 թվականի չորրորդ եռամսյակում Թուրքիայի ՀՆԱ-ն աճել էր 3%-ով։
Trading Economics-ի տվյալներով՝ վերլուծաբանների կանխատեսումը ենթադրում էր տնտեսության ավելի մեղմ դանդաղում՝ մինչև 2.3%։
Սպառողական ծախսերը եռամսյակում աճել են 2%-ով, պետական ծախսերը՝ 1.2%-ով, կապիտալ ներդրումները՝ 2.1%-ով: Արտահանման ծավալը գրեթե չի փոխվել, իսկ ներմուծումն ավելացել է 3%-ով:
Եռամսյակային արտահայտությամբ՝ Թուրքիայի ՀՆԱ-ն հունվար-մարտ ամիսներին աճել է 1%-ով, մինչդեռ նախորդ եռամսյակում աճը կազմել էր 1.7%։
Հետևեք մեզ տելեգրամում
