Սաուդյան Արաբիան վերացրել է 18 և ավելի ցածր տարիքի անձանց նկատմամբ մահապատիժների կիրառումը։ Հաղորդվում է, որ այս փոփոխությամբ կփրկվի այս պահին կալանքի տակ գտնվող առնվազն 6 անչափահասի կյանք։
Փոփոխության մասին հայտարարել է Ս․Արաբիայի Մարդու իրավունքների հարցերով հանձնաժողովի նախագահ Ավվադ ալ-Ավադը՝ նշելով, որ փոփոխությունը հրապարակվում է թագավորական հրամանագրով։
«Սա կարևոր օր է Սաուդյան Արաբիայի համար, նման միջոցը հնարավոր եղավ արքա Սալման բեն Աբդել Ազիզ Ալ-Սաուդիի և թագաժառանգ արքայազն Մուհամմադ բին Սալման Ալ-Սաուդի շնորհիվ: Այս հրամանագիրը կօգնի մեզ ստեղծել ավելի ժամանակակից քրեական օրենսգիրք»,- ասել է Ավվադ ալ-Ավադը
Հայտարարությունում նշվում է, որ անչափահասների համար մահապատիժը փոխարինվելու է առավելագույնը 10 տարի ազատազրկմամբ։
Նշենք, որ Ս․ Արաբիայում մահապատժի են ենթարկվում ահաբեկչության, սպանության, բռնաբարության ու թմրանյութերի մաքսանենգության մեջ մեղավոր չանաչված հանցագործները։ 2019-ին երկրում մահապատժի է ենթարկվել 187 մարդ։
Հետևեք մեզ տելեգրամում
