Արաբական Միացյալ Էմիրությունները 7 տոննա բժշկական պարագաներով լի ինքնաթիռ է ուղարկել Հայաստան՝ աջակցելու կորոնավիրուսի տարածման դեմ պայքարին։ Այս մասին հայտնում է ՀՀ-ում ԱՄԷ դեսպանությունը։
Բժշկական օգնությունից կօգտվի ավելի քան 7 հազար բուժաշխատող։
«Էմիրությունների համար պատիվ է իրականացնել իր պարտականությունը՝ օգնելու այլ երկրներին նոր տիպի կորոնավիրուսի դեմ պայքարում»,- ասել է ՀՀ-ում ԱՄԷ-ի դեսպան Ն․ Գ․ Մուհամմադ Իսա ալ Կատտամ Ալ Զաաբին։
«ԱՄԷ կառավարությունը, ժողովուրդըև բոլոր բուժաշխատողները միավորում են իրենց ջանքերը՝ հանուն այս ճգնաժամի հաղթահարման։ Մենք գիտակցում ենք, որ միջազգային հանրությունը կարող է հաղթահարել կորոնավիրուսը միայն միահամուռ ջանքերով և կառուցողական համագործակցությամբ»,- նշել է դեսպանը։
Նշվում է, որ ԱՄԷ-ն մինչ օրս ավելի քան 314 տոննա օգնություն է ուղարկել 27-ից ավելի պետության, որից օգտվել է շուրջ 314 հազար բուժաշխատող։
Հետևեք մեզ տելեգրամում
