Իսրայելում ընթացիկ տարվա մայիսի 3-ից փոքր քոթեջներում, ինչպես նաև այն հյուրանոցներում, որոնք ունեն սենյակներ, որոնց մուտքերը առաջին հարկից են՝ կրկին կթույլատրվի հյուրեր ընդունել։ Այս մասին հայտնել են երկրի Զբոսաշրջության նախարարությունից։
Ապրիլի 27-ին Իսրայելում տեղի է ունեցել խորհրդակցություն երկրի վարչապետ Բենյամին Նեթանյահուի գլխավորությամբ, որտեղ քննարկվել է զբոսաշրջության վերսկսման հարցը:
Դրա արդյունքում հավանության է արժանացել Իսրայելի զբոսաշրջության նախարար Յարիվ Լևինի առաջարկը՝ ոլորտն աստիճանաբար աշխատանքի վերադարձնելու վերաբերյալ։ Որոշվել է նաև, որ առաջիկա օրերին Իսրայելի առողջապահության նախարարության հետ կմշակվի «Մանուշակագույն նշան» հատուկ ստանդարտը, որը հաստատում է կորոնավիրուսի պանդեմիայի գործողության ընթացքում հյուրանոցների և համարների շահագործման հնարավորությունը: Զբոսաշրջության ոլորտում գործունեությանը վերադառնալու հետագա քայլերը կախված կլինեն համաճարակաբանական իրավիճակից։
Հետևեք մեզ տելեգրամում
