Ապրիլի 27-ին Լիբանանի բանակի զինծառայողները օդում նախազգուշական կրակ են բացել Բեյրութից 90 կմ դեպի հյուսիս գտնվող նավահանգստային Տրիպոլի քաղաքում ընթացող փողոցային անկարգությունները զսպելու նպատակով: Այս մասին հայտնում է «Ալ Մայադին» հեռուստաալիքը:
Հաղորդվում է, որ ցուցարարների և զինծառայողների միջև բախումներ են տեղի ունեցել, որի հետևանքով նվազագույնը 9 մարդ է տուժել: Զինվորականների շրջանում նույնպես տուժածներ կան:
Աբդել Համիդ Քարամի հրապարակում ամբոխի կողմից զինվորական ավտոմեքենայի ուղղությամբ հրկիզիչ խառնուրդով շիշ է նետվել, ինչի հետևանքով մեքենան հրդեհվել է: Հարձակման են ենթարկվել քաղաքի կենտրոնում գտնվող բանկերի գրասենյակները: Երիտասարդների խմբերը վնասել են բանկոմատները, կոտրել ցուցափեղկեր:
Նշվում է, որ բախումների մասին տեղեկություններ են ստացել Ֆուրն էշ Շեբաք Այն Ռումմանա և Զուք Մոսբեհ շրջաններից:
Հետևեք մեզ տելեգրամում
