Իսրայելը ավելի մեծ ուժով կվերսկսի Իրանի վրա հարվածները և կարող է հարձակվել Իրանի Իսլամական Հանրապետության գերագույն առաջնորդ այաթոլլա Ալի Խամենեիի վրա, եթե Թեհրանը շարունակի սպառնալ նրանց։ Այս մասին հայտարարել է հրեական պետության պաշտպանության նախարար Իսրայել Կացը։
«Հստակ ուղերձ Խամենեին. եթե Իսրայելի նկատմամբ սպառնալիքները շարունակվեն, մեր երկար ձեռքը կրկին կհասնի Թեհրան՝ ավելի մեծ ուժով, և այս անգամ այն կհասնի անձամբ իրեն»,-X-ում գրել է Կացը՝ Ռամոնի ռազմաօդային բազա այցելելուց հետո։
Իսրայելի և Իրանի միջև 12-օրյա պատերազմը բռնկվեց հունիսի 13-ին, երբ Իսրայելը ավիահարվածներ հասցրեց Իրանի ռազմական և միջուկային օբյեկտներին։ Թեհրանը պատասխան հրթիռային և անօդաչու թռչող սարքերով հարվածներ հասցրեց, ԱՄՆ-ն ռմբակոծեց Իրանի երեք միջուկային օբյեկտներ։ Հունիսի 24-ին ԱՄՆ նախագահը հայտարարեց հրադադարի համաձայնության մասին։
Հետևեք մեզ տելեգրամում
