Թուրքիայի պաշտպանության նախարարությունը հաստատել է Վրաստանում C130 բեռնատար ինքնաթիռի կործանման փաստը։ Ինքնաթիռը Ադրբեջանից ուղևորվում էր Թուրքիա։
Հաղորդվել է նաև, որ ներկայումս որոնողական-փրկարարական աշխատանքներ են իրականացվում Վրաստանի իշխանությունների հետ համատեղ։
Իսկ ըստ վրացական «Kviris Palitra» լրատվականի տեղեկությունների՝ չորս շարժիչով ռազմատրանսպորտային «C-130 Hercules» ինքնաթիռը օդ է բարձրացել Ադրբեջանի Գյանջայի (Գանձակի) օդանավակայանից և մոտ ութ կիլոմետր բարձրության վրա է եղել, երբ սկսել է ընկնել։
Ավելի վաղ վրացական Imedi լրատվականը հայտնել էր, որ վրաց-ադրբեջանական սահմանին, ըստ նախնական տեղեկությունների, կործանվել է Թուրքիայի ռազմական ինքնաթիռ։
Հետևեք մեզ տելեգրամում
