Վրաստանի վարչապետ Իրակլի Կոբախիձեն, ելույթ ունենալով «Աբու Դաբիի կայունության շաբաթ» համաժողովին, հույս է հայտնել, որ Բրյուսելում քաղաքական իրավիճակի փոփոխությունից հետո Վրաստանը կարող է դառնալ ԵՄ անդամ։
«Մենք, բնականաբար, պատկանում ենք Եվրոպային և անում ենք ամեն ինչ, որպեսզի առաջ մղենք և զարգացնենք երկիրը տնտեսական աճի ու կառավարման բարելավման առումով, այդ իսկ պատճառով մենք շատ լավատես ենք։ Եվրամիության և Վրաստանի միջև կան որոշակի դժվարություններ, բայց մենք հույս ունենք, որ քաղաքական իրավիճակի փոփոխությունից հետո մեր ինտեգրումը տեղի կունենա», – ասել Կոբախիձեն։
Վրաստանի կառավարության ղեկավարը նաև նշել է, որ Վրաստանն ունի աճող տնտեսություն, որի միջին տնտեսական աճի տեմպը վերջին հինգ տարիների ընթացքում կազմել է 9.3%։ Բացի այդ, երկիրն ունի լավագույն ցուցանիշները կոռուպցիայի դեմ պայքարում՝ գերազանցելով ԵՄ 11 երկրներին։
Հետևեք մեզ տելեգրամում
