2026 թվականի սկզբից մինչ օրս Ադրբեջանի ուժային կառույցներում գրանցվել է զինծառայողների մահվան առնվազն 17 դեպք, որոնք բոլորն էլ տեղի են ունեցել ոչ մարտական պայմաններում։ Այս մասին հայտնում են ադրբեջանական ընդդիմադիր ԶԼՄ-ները:
Մահացածների թիվը նախորդ տարիների նույն ժամանակահատվածի համեմատ զգալի աճ է գրանցել. 2025 թվականի մայիսի սկզբին արձանագրվել է մահվան 13 դեպք, իսկ 2024-ին՝ 11։
Մահվան պատճառները բազմազան են. երեք զինծառայող մահացել է հիվանդություններից, երկուսը՝ ինքնասպանության հետևանքով, հինգը՝ ավտովթարներից, երկուսը՝ դժբախտ պատահարներից, իսկ մեկը՝ զենքի հետ անզգույշ վարվելու պատճառով։ Եվս չորսի մահվան հանգամանքները պարզ չեն: Մահացածներից 12-ը ՊՆ զինծառայողներ են, երեքը՝ պետական սահմանապահ ծառայության, մյուսները՝ արտակարգ իրավիճակների նախարարության և զորակոչի պետական ծառայության ներկայացուցիչներ։
Նշենք, որ 2024 թվականի ընթացքում Ադրբեջանում ոչ մարտական պայմաններում մահացել է առնվազն 51 զինծառայող, իսկ 2025 թվականին՝ առնվազն 42։
Հետևեք մեզ տելեգրամում
